*Bûyerên piştî “Banga Aştî û Civaka Demokratîk” a Rêber Apo wê bêne şopandin.
*Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan sibe di saet 14:00’an de li Enqereyê di çarçoveya Civînên Aştî û Civaka Demokratîk de bi rêxistinên civaka sivîl re bicive.
*Çalakiyên bi boneya salvegera Fermana 74’an ya 3’yê Tebaxê bên lidarxistin, wê bên şopandin.
* Hevserokatiya Konseya Rêveber a KCK’ê qurbaniyên Komkujiya DAÎŞ’ê ya 3’ê Tebaxa 2014’an li Şengalê kir bi bîr anî û got: “Dîrok ne tenê qirkirina 3’ê Tebaxê, lê her wiha berxwedana zarokên gelê Şengalê li hemberî êrîşa herî hovane ya dîrokê jî nivîsiye.”
* Berdevka SMJÊ Nûjiyan Gunay diyar kir ku ji bo misogerkirina edaletê divê xweseriya Şengalê were naskirin û dadgeheke navneteweyî ya taybet were avakirin.
*Endamê Komîteya Têkiliyên Derve ya KCK’ê Delîl Amed diyar kir ku tenê rêya derketina ji şer, krîz û parçebûna li Rojhilata Navîn avakirin sîstemeke konfederal a demokratîk e, ku gel bi nasnameyên xwe bên naskirin û bi wekhevî û azad bijîn.
* Hevserokê Rêxistina DEM Partiyê yê Amedê Abbas Şahîn anî ziman ku gelê Kurd bi xurtî xwedî li pêvajoyê derdikeve û got: “Gel dixwaze pêvajo bi aştiyê bi encam bibe. Lê ji ber bêdengiya dewletê gel bi fikar e.”
* Hiqûqnas û siyasetmedar Îbrahîm Spîndar diyar kir ku avaniyên dewletê yên li Rojhilata Navîn dihejin û got: “Ev ji bo gelê Kurd ne gef e, derfetekî dîrokî ye. Êdî dem hatiye ku ne paşerojê, divê pêşerojê biaxivin.”
*Amûra şerê taybet a dewleta Tirk, li hemû herêmên Dersimê tora xwe ya sîxûrkirinê li ser misogerkirina herikîna pereyan a birêkûpêk û dejenerekirina ciwanan xurt dike.
*M. A ku li firoşxaneya Nîşantaşiyê ya Viadelleros ê hem hate tacîzkirin û hem jî bi sûcdarkirinê ji kar hate derxistin, wiha got, “Ev zîhniyet ji hesta me ya şermê hêzê digire. Ez ê bêdeng nemînim û netirsim.”
*Li navendên Kurdistan û Tirkiyeyê wê çalakiyên xizmên windayan û girtiyan, bên şopandin.
