Hat ragihandin ku hêzên hikumeta veguhêz û komên çekdar ên girêdayî wê duh bi şev agirbesta ku bi sponseriya DYA’yê hatibû ragihandin carek din binpê kir.
Hat zanîn ku hêzên hikumetê û çekdarên girêdayî wê ji nuqteyên xwe yên li herêmên Rîma Hazim û Mensûra yê rojavayê Siwêdayê, êrişî bajarokê Itêl ê bakurê bajar kir.
Li gorî çavkaniyên xwecih, êrişa yekemîn duh (4 Tebax) saet di 23.23’an de pêk hat. Çavkaniyan der barê mijarê de agahî dane ku komên li bajarokê Mensûrayê bi cih bûne, malên sivîlan ên li bajarokê Itêlê kirin hedef.
Li gorî agahiyan, saet di 23.43’an de jî hêzên hikumeta veguhêz bajarokê Erayê bi hawnan topbaran kir. Li hemberî van binpêkirinan de bêdengî serwer e.
Li Siwêdayê peywendî û internet qut in, lê der barê vê yekê heya niha tu daxuyaniyên fermî nehatine dayîn.
