Ji ber baranên muson di 24 saetên dawî de li bakurê welêt herî kêm 30 kesan jiyana xwe ji dest dan. Ji meha Hezîranê û vir ve nîvî jê zarok, hejmara miriyan ji 320’ê derbas kir.
Herî zêde li eyaleta Hayber-Pahtunkhwa ya çiyayî ya li sînorê Efganistanê, mirin çêbûn.
Li herêma Bajaur 20 kes di bin kavilên malên ji ber lehiyê hilweşane de man; heya niha cenazeyê 16 kesan hate dîtin.
Li Lower Dir’ê ji ber banên hilweşayî, 5 kesan jiyana xwe ji dest dan, li Mansehrayê jî wesayîtek ji zinarê qulibî û bû sedema mirina 2 kesan. Li herêma Keşmir jî 7 kesan jiyana xwe ji dest dan.
Di meha Tîrmehê de li eyaleta Pencap a ku malûvaniyê ji nîva nifûsa welêt re dike, li gorî sala borî barîna baranê ji sedî 73 zêde bû.
Tenê di meha Tîrmehê de li gorî tevahiya dema muson a sala borî, zêdetir mirin çêbûn. Rayedaran hişyarî da ku baranên muson di hefteyên pêşiya me de tundtir bibin. Tê payîn di nîva Îlonê de baranên muson bi dawî bibin.
