Li seranserê Spanyayê ev 13 roj in germahiya hewayê pir zêde ye û rîska zêde ya derketina şewatan heye. Rayedaran li hemberî van yekan hişyarî dan.
Saziya meteorolojiyê ya neteweyî Aemetê hişyariya rîska derketina şewatê ya zêde da. Tê payîn ku li herêma Kantabriayê ya li bakurrojavayê welêt pileya germahiyê ji 40°C’yî derbas bibe.
Îsal, heya niha li zêdetirî 157 hezar hektaran şewat derketiye; ku di sala 2022’ya de ev hejmar 306 hezar hektar bû. Di encama şewatan de sê welatiyan jiyana xwe ji dest dane ku du ji wan dilxwazên vemirandina şewatê yên li Kastilya û Leonê bûn. Fransayê ji bo vemirandina şewatan weke piştevanî du balafirên cure Canadair şandibûn.
Bi taybetî şewatên li bakurrojavayê welêt, bûn sedem ku rêya trênê ya di navbera Madrid û Galiciayê de gelek rêyên bejahî werin girtin. Serokwezîr Pedro Sanchez diyar kir ku rewş gelekî zehmet e û da zanîn ku hikûmet bi hemû derfetên xwe di nava seferberiyê de ye.
Rêveberiya şewatê, bû sedema nîqaşên siyasî. Partiya PP a muhafezeker ya muxalîf, hikûmetê bi kêmkirina kapasîteya piştevaniya hewayî sûcdar dike; partiya PSOE ya sosyalîst û desthilatdar jî hin serokên muxalîf rexne dike ku ew di dema krîzê de ne li qadan in.
