Eyal Zamîr roja Yekşemê doi daxuyaniya xwe de got, “Îro em plana qonaxa din a şer dipejirînin.”
Artêş, leza operasyona berfireh a ku di nîvê Gulanê de dest pê kir wê bidomîne û li gorî Îsraîlê wê bajarê Xezeyê ya ku keleha dawî ya Hamasê ye hedef bigire.
Zamîr wiha domand: “Heta ku Hamas têk biçe wê êrîşên me bidomin. Dîlgirtî hîn jî pirsgirêka me ya sereke ne.”
Armanca Îsraîlê ew e ku wargehên penaberan ên li bajarê Xezeyê û derdora wê kontrol bike, Hamasê bê bandor bike û kesên ku di êrîşa 7’ê Cotmeha 2023’yan de hatine girtin rizgar bike.
Serokwezîr Binyamin Netanyahu hefteya borî plana nû ya ku ji aliyê kabîneya ewlehiyê ve hatibû pejirandin, ragihandibû. Netanyahu diyar kiribû ku operasyona di meha Gulanê de dest pê kir, gihîştiye armanca xwe û êdî kapasîteya Hamasê wekî berê nemaye.
Serfermandarê Giştî Zamîr diyar kir ku şerê heyî ne operasyoneke yekcarî ye, lê ew armanc dikin ku di serî de li Îranê û li herêmê stratejiyeke demdirêj hevsengiya ewlehiyê ava bikin.
Çavkaniyên tenduristiyê yên Filistînî ragihandin ku di encama êrîşên Îsraîlê yên ji 7’ê Cotmeha 2023’yan vir ve didomin de hejmara qurbaniyên ku piraniya wan zarok û jin in gihîştiye 61,944 kesan. Hate ragihandin ku hîn jî gelek qurbanî hîn jî di bin kavilanda de ne.
