Operasyon li girava Şilawa ya li havzaya Gola Çad a li herêma Diffa ya li başûrêrojhilatê Nîjer hate lidarxistin.
Artêşê ragihand ku balafira şer a hêzên hewayî bê navber êrîş bir ser nuqteyên ku Bakura lê ye.
Hat diyarkirin ku Mahamadu nêzî 40 salî ye û eslê xwe ji Nîjeryayê ye, zêdeyî 13 sal in di nava refên Boko Haram de ye.
Sala 2021’an piştî mirina lîderê rêxistinê Ebubakar Şeko, bûbû yek ji kesên navdar ê komê. Navê wî bi van kiryaran tê naskirin; Adara 2024’an li bajarê Kuriga yê Nîjeryayê revandina zêdeyî 300 xwendevanan, êrîşên xwekujiyê yên li dijî bazar û mizgeftan û êrîşên li dijî artêşên welêt.
Boko Haram sala 2009’an bi serhildana ku li Nîjeryayê dayî destpêkirin, bûbû sedem ku zêdeyî 40 hezar kes bimirin û bi milyonan kes ji cihên xwe bibin. Ji sala 2015’an ve li Nîjer êrîşan pêk tîne.
