Li gorî pêşnûmeyê, ji bo hemî ciwanên ji 18 salî mezintir re ankêtek mecbûrî dê bê şandin agahiyên tenduristî, jêhatîbûn û eleqeya wan a ji bo artêşê bê pirsîn. Ji bo mêran bersivdana anketê mecbûrî ye, lê ji bo jinan bi dilxwazî ye.
Armanc ew e ku hejmara leşkerên çalak ên Bundeswehrê ji 182 hezarî bigihêje 260 hezarî û hêzên yedek ji 49 hezarî bigihêjin 200 hezarî.
Her çend niha ev rêkeftin bi dilxwazî be jî, di salên bê de ger tevlêbûn têrê neke, dibe ku leşkeriya neçarî bi awayekî qismî dîsa bê destpêkirin. Ji nîvê sala 2027’an û şûnde, ciwanên mêr dê bi mecbûrî bên muayeneya tenduristiyê.
Rêveberiya Berlînê, Moskowê wek “metirsiya herî mezin a li ser azadî û aştiya Ewropayê” binav kir û diyar kir ku Almanya armanc dike ku di nav NATO’yê de, di baskê Ewropayê de artêşa herî bi hêz hebe. Di heman rojê de, ji aliyê Rheinmetall ve, li Ewropayê fabrîqeya herî mezin a cebilxaneyê jî hate vekirin.
Di salên Şerê Sar de, tenê li Rojavayê Almanyayê 500 hezar leşker hebûn. Piştî ku di sala 2011’an de leşkeriya neçarî hat betalkirin, hejmara artêşê kêm bûbû. Niha Berlîn ji bo ji nû ve çekdarkirinê gavek girîng avêt.
