Serokê DYE’yê got, “Bi îhtîmaleke mezin, ez difikirim ku me ew binçav kiriye.” Trump diyar kir ku kesek ji derdora gumanbar bi taybetî bavê wî yan jî keşeyekî agahî dane polîsan û wiha domand: “Dibe ku ez xelet bim, lê tiştê ku min bihîstiye ev e.”
Charlie Kirk ê 31 salî ku piştgirê Trump bû, roja Çarşemê di dema civîneke li derve ya li zanîngeheke Utahê de di encama êrîşeke çekdarî de jiyana xwe ji dest da.
Kirk bi eşkere alîgirê peydakirina çekan a takekesî bû. Piştî mirina Kirk gotinên wî yên ku di 5’ê Nîsana 2023’yan de li bûyera Salt Lake Cityê kiribû dîsa ketin rojevê: “Civakeke xwe çekdar bike, xwedî berdêlekî ye. Û civakeke çekdar ku kes tê de nemire jî ne gengaz e. Ev yek tewş e. Lê ez difikirim ku ev yek berdikeve. Mixabin mirina çend kesan her sal normal e. Ev parçeyeke azadiyê ye.”
