Piştgiriya ji bo banga ‘Aştî û Civaka Demokratîk’ a 27ê Sibatê ya Rêber Apo didomin. Profesora civaknasiyê Eva IIIouz, têkildarî banga Rêber Apo nameya piştgiriyê ji Partiya Wekhevî û Demokrasiyê ya Gelan (DEM Partî) re şand.
Eva IIIouz di nameya xwe de ev tişt gotin, “Biryara Ocalan a ji bo fesixkirina PKK’ê divê ji bo gelek şerên li herêmê bibe mînak û çavkaniya îlhamê. Bi taybetî ji bo şerê Îsraîl û Filistînê ku sedsala dawî Rojhilata Navîn di nava xwînê de hiştiye. Ocalan pêngaveke mezin ku taybetmendiya rêberên mezin in avêt. Li şûna şerê bêdawî, aştî hilbijart.
Aştî peyveke bedew û kûr e. Aştî ne tenê nebûna şer e; ew jiyan bixwe ye. Aştî derfetê dide zarok û mezinan ku siberoja xwe xeyal bikin. Têkoşîna jiyana rojane dikeve şûna êşê. Mirovan ji tarîtiya wêraniyê ber bi ronahiya plan û hêviyên wan ve dibe. Li şûna dijminatiyê, xwişk-biratiya mirovan cih digire. Şer jiyan, ziman û çandê xera dike. Lê aştî, wan ji nû ve ava dike, mezin dike û xwedî dike.
Em hêvîdar in ku Ocalan ji bo serokên din ên li Rojhilata Navîn jî bibe îlham. Em hêvî dikin ku dengê wî bigihêje her deverê. Ew ê wekî rêberekî ku bi rastî ji gelê xwe hez dike were bibîranîn.”
