Li Hesekê bi pêşengiya Partiya Yekîtiya Demokratîk (PYD), 5’emîn Foruma Sûriyeyê bi encamnameyekê bi dawî bû. Forum bi dirûşma “Manîfestoya Aştî û Civakeke Demokratîk Misogeriya Avakirina Sûriyeya Nûjen e” bi amadebûna 120 siyasertmedar, rewşenbîr, nûnerên rêxistinên jinan, çalakvanên ji civakên cuda yên Sûriyeyê û serokên eşîrên Ereb, hat lidarxistin.
Encamnameya forumê ji aliyê endamê Konseya Serokatiyê ya PYD’ê Silêman Ereb ve hate eşkerekirin. Sernavên girîng ên di encamnameyê de wiha ye:
* Divê peymana di navbera QSD û Hikûmeta Demkî ya Sûriyê de hate îmzekirin were parastin.
* Ji bo çareseriyeke mayînde, divê diyalogeke neteweyî ya hemûgir were meşandin.
* Bi beşdariya hemû pêkhateyan, kongreyeke neteweyî were lidarxistin û peymaneke civakî ya nû were amadekirin.
* Divê gotinên kînê werin redkirin û peymana aştiyê were amade kirin.
* Jiyana hevpar û aştiya çandî di navbera gelan de were xurtkirin.
* Tevgera jinên demokratîk divê bibe yek ji aktorên sereke yên pêvajoyê.
* Ji bo azadiya Rêber Apo divê têkoşîn were meşandin.
* Divê têgihiştina dewleta navendîparêz were buhurandin û nexşerêyeke ku mafan misoger dike were amade kirin.
* Rola jinê di pêvajoya aştiyê de divê were xurtkirin.
* Fransa, DYE û Brîtanya divê berpirsyariyên xwe yên garantoriyê bi cih bînin.
Di daxûyaniyê de hate gotin ku Manîfesto ji bo avakirina Sûriyeke demokratîk û yekgirtî alternatîveke siyasî û rewşenbîrî pêşkêş dike. Di dawiya forumê de hate destnîşankirin ku projeya demokratîk “ji bo Sûriyeyan ne tenê vebijarkek e, lê di heman demê de hêviyek e jî.
