Endamên Meclîsa Şaredariya Hezexê li nêzî Qada Newrozê, şahiya ciwanan li dar xist. Ciwan, partiyên siyasî û rêxistinên civakî ên demokratîk tevlî şahiyê bûn.
Di şahiyê de ewilî Koma Stêrkên Cûdî derket li ser dikê. Di şahiyê bi boneya piştgiriya Pêvajoya Aştî û Civaka Demokratîk a ku bi banga Rêber Apo dest pê kir, di çarçoveya Kampanya “Ji bo aştiyê îmze” de îmze hatin berhevkirin.
Di şahiyê de Hevserokê Rêxistina DEM Partiyê ya Hezexê Songul Arpa axivî. Arpa diyar kir ku heta Rêber Apo azad bibe ew ê têkoşîna xwe bidomînin. Parlamenterê DEM Partiyê yê Şirnexê Mehmet Zekî Îrmez jî axivî û got: “Gelê Hezexê aştiyek bi rûmet heq dike. Heta aştiyek bi rûmet wê têkoşîna me bidome. Rêberê Gelê Kurd Abdullah Ocalan, Pêvajoya Aştî û Civaka Demokratîk da dest pê kirin. Em aştiyê dixwazin. Hemû nirxên me aştiyê dixwaz e. Aştî ji her kesê re pêwîst e. Divî şerê qirêj de bi hezaran kesî jiyana xwe ji dest da. Eger em xwedî li vê pêvajoyê derkekevin wê aştî were. Em bi Birêz Abdullah Ocalan bawer in. Divê ciwan xwedî li vê pêvajoyê derkeve. Divê ciwan li dijî polîtîkayê şerê taybet hişiyar bin. Heta Rêberê Gelê Kurd Abdullah Ocalan azad nebe, aştî çênabe. Divê berî her tiştî mafê hêviyê bê nasin.”
Hevşaredarê Hezexê Dogan Adibellî jî axivî. Adibellî got ku azadiya Rêbertiya me azadiya me ye. Adibellî destnîşan kir ku ji ber ku DEM Partî li dijî projeyên rantê ne, hedef tê girtin.
Piştî axaftinan hunermendên Koma Hezex û Kadîr Çat derket li ser dikê. Girseyê li ber stranan govend gerand.
Şahî bi dirûşmeyên “Bijî Serok Apo” bi dawî bû.
