Dayikên /Mirovên Şemiyê ji bo aqûbeta xizmên xwe yên di bin çavan de hatine windakirin û qetilkirin û ji bo darizandina faîlan, her hefteyê li Qada Galatasarayê tên ba hev. Vê hefteyê çalakiya xwe ya 1069’an lidar xistin.
Dayikên Şemiyê bi qurnefîl û wêneyên xizmên xwe yên hatine windakirin, li Qada Galatasarayê hatin ba hev.
Dayikên Şemiyê vê hefteyê aqûbeta Îbrahîm û Edîp Çelîk ên ku beriya 31 salan li Êlihê hatin windakirin, pirsîn û daxwaza edaletê kirin. Di çalakiyê de daxuyanî ji aliyê Seroka Şaxa ÎHD’ê ya Stenbolê parêzer Jiyan Tosun ve hate xwendin.
Çalakiya di bin dorpêçê de, bi danîna qurnefîlan bi dawî bû.
