Meşa ku ji aliyê Tevgera Jinên Azad (TJA) ve bi dirûşmeya “Bi hêvî ber bi azadiyê ve dimeşin” ji Amed’ê dest pê kir, di roja şeşemîn de gihîşt Enqereyê. Jinan li her bajarên ku derbas dibûn bi coşek mezin hatin pêşwazîkirin û ber bi Girtîgeha Girtî ya Sîncanê ya Enqereyê ve dest bi meşê kirin. Jinan bi berzkirina dirûşmeyên “Mafê hêviyê mafê gelan e”, “Bijî Serok Apo”, “Bijî berxwedana zindana” û “Jin, Jiyan, Azadî, Azad bike Rêbertî” heta Kampusa Girtîgeha Sîncanê meşiyan.
Piştî meşê, aktîvîsta TJA’yê Zeynep Sipcik li ser navê jinên ku ji bo aştiya mayînde dimeşin her kesî silav kir û got: “Birêz Ocalan di nava 4 diwaran de tovên aştiyê kom kir û ji me jinan re şand û got ez van tovan ji wê re dişînin da ku hûn belav bikin. Niha me ew tov bi xwe re aniyê. Em li her bajarê derbas bûn ew tov reşand. Me ew tov anîn Enqreyê ku wan tovan kesên şer dixwazin di dile wan de biçînin ku dilê wan nerm bibe. Şerte vê pêvajoye jî ew ê ku di serî de birêz Ocalan û girtiyên siyasî ben berdan. Bi vî awayî baweriya gelê me jî ji vê pêvajoyê bawer bikin. Em li vir silaveke germ li girtiyan re dişînin û dibêjin careke din em ê werin li vir û wê li vir derxînin.”
Piştre jî Hevseroka Giştî ya OHD’ê Ekîn Yeter Moray axivî, diyar kir ku 6 rojin ew ji bo azadiya gelê Kurd û wekheviya gelan meşiyan û ev tişt gotin: “Me ji bo hemû gelên tune tên hesibandin meşiyan. Mafê hêviyê mafekî gerdûnî ye. Lê tevî biryarên Dadgeha Mafê Mirovan a Ewropayê jî ew maf pêk nehatiyê. Biryara DMME’yê 11 sal in pêknayê. Heta meha hezîranê dem dan Tirkiyeyê. Her wiha berpirsyarî da komîsyonê. Lê tevî ew qas gav hatine avetin jî hê komîsyonê di vê mijarê de gav neavetiye. Em jî vê daxwazê tînin ziman. Divê mafê hêviyê pêk were. Lê helbet ne tenê di mafê hêviyê de di înkara gelê Kurd de jî polîtîkayên xwe didomînin. 24 jin li vê girtîgehê tevî cezayê xwe qedandine jî bi biryarên Lîjneya Rêveberiya Çavderiyê berdana wan tên taloqkirin. Di hiqûqê de cihê vê yekê tune ye. Di pêvajoyê de binpêkirinên girtiyên siyasî ên jin nayê qebûlkirin. Hê jî binpêkirina mafan berdewam dike. Hê jî desthilat ne li gor pêvajoya aştî û hiqûqa navneteweyî ye. Em jî ji bo wê dimeşin. Daxwazên me daxwazên rewa ne. Di şaxsê Rêzdar Ocalan de bi berdana girtiyên siyasî ve em ê Aştî û Civaka Demokratîk ava bikin.”
Piştî daxuyaniyê, girseyê bi berzkirina dirûşma “Bijî berxwedana zindanan” meşa xwe berdewam kir.
