Paytexta Ûkrayna Kiev û 9 herêmên vî welatî bi hev li êrîşeke giran a fuze û droneyan a artêşa Rûsyayê rast hatin, lewma elektrîk qut bû. Wezareta Enerjiyê ya Ûkraynayê diyar kir ku êrîş li ser binesaziya welêt hate kirin.
Di daxuyaniya wezaretê de hate gotin, “Piştî êrîşên bi balafirên bêmirov û fuzeyan ên Rûsyayê, li gel Kiev û derdora wê li herêmên Donetsk, Dnipropetrovsk, Çernihiv, Çerkas, Harkiv, Sumi, Poltava û Odessayê elektrîk qut bû.”
Di êrîşan de her wiha li herêma Zaporijyayê zarokekî 7 salî jiyana xwe ji dest da. Walî Ivan Fedorov li ser Telegramê daxuyaniyek da û got, “Zarokekî di êrîşa doh bi şev de bi giranî birîndar bû, li nexweşxaneyê li gel hemû hewldanan nekarî bê rizgarkirin.”
