Navenda Ragihandin û Çapemeniyê ya Yekîneyên Parastina Rojhilatê Kurdistanê (YRK) bi daxuyaniyekê ragihandibû ku 23’yê Îlona 2025’an şervanê wan ê bi navê Azad Zagros ji ber rewşa tenduristî dema li ser rêya Merîwanê vedigere Başûrê Kurdistanê li gel keseke ku heta niha navê wî nehatiye zelalkirin, di nava bajar de ji aliyê dezgeha Îstixbaratî ya Îranê û Parêzvanên Şoreşê ve li taxa Mûsk wesayîta wan tê gulebarankirin û tên qetilkirin.
YRK’ê anî ziman ku şervanê wan Mihemed Husên Reşîd (Azad Zagros) ji xelkê Silêmanî yê Başûrê Kurdistanê ye û çend sal bûn li bajarê Merîwanê kar dikir û got: “Demek bû pirsgirêkên wî tenduristî hebû û ji bo tenduristiyê vedigeriya Başûrê Kurdistanê.”
Ji bo gerîlayê YRK’ê Azad Zagros li mizgefta Hacî Qadir Bêserî ya li taxa Îbrahîm Ehmed a li Silêmaniyê, saet 13:00’an merasîma sersaxiyê tê lidarxistin û serdanên sersaxiyê tên qebûlkirin.
