Çaremîn danişîna doza rojnamvanRahîme Karvar ku bi îdiaya “endamtiya rêxistinê” tê darizandin, li Dadgeha Cezayê Giran a 24’emîn a Stenbolê hat lidarxistin.
Rojnamevan Rahîme Karvar û parêzera wê Elîf Taşdogen tevî danişînê bûn. Parêzera Rahîme Karvarê Elîf Taşdogen diyar kir ku muwekîla wê rojnamevan û çalakvana femînîst e û got: “Muwekîla min tenê moderatoriya bernameya ku di îdianameyê de behsa wê tê kirin dike û nikare ji ber gotinên axaftvanan berpirsiyar were girtin. Bikaranîna peyva ‘Kurdistan’ jî sûc nayê hesibandin.”
Rehîme Karvar jî parastin xwe kir û got: “Kiryarên min, ku wekî sûc têne nîşandan, çalakiyên rojnamevaniyê ne. Biryar çi dibe bila bibe ez ê rojnamevaniyê bidomînim. Ez beraeta xwe dixwazim.”
Dadgehê bi îdiaya “alîkariya rêxistinê” 2 sal û mehek cezayê girtîgehê li Rahîme Karvar birî. Dadgehê biryar da ku qedexeya derketina derveyî welêt dewam bike û qedexeya derketina derveyî bajêr û kontrola edlî rakir.
