Li gorî agahiyên ji çavkaniyên xwecihî hatine wergirtin çeteyên girêdayî delweta Tirk a dagirker ên “Firqeya 80” ya di hêzên hikûmeta veguhêz de, danê nîvro bi çekên sivik û navîn êrîşî şêniyê gundê Cib Ebyed ê li bakurê bajarê Dêr Hafir kir û di encamê de sivîl birîndar bûn.
Di dîmenên bûyerê de ku çalakvanan parve kirine, diyar dibe ku çete guleyan li şêniyên li nêzî cihên parzûnkirina petrolê kom bûne direşînin.
Ev êrîş piştî 2 rojan ji qetilkirina welatiyê bi navê Ebdullah El Mûsa bi destê çeteyên li heman gundî pêk hat.
Her wiha binpêkirinên li gundewarên Minbicê û bakurê Dêr Hafirê yên dewleta Tirk û çeteyên wê dewam dikin. Şêniyên herêmê, ji ber zêdebûna van êrîşan û nebûna bertekên pêşîlêgirtina sûcdaran bi hêrs in û li hember van sûcan meşeke girseyî li bajarê Minbicê li dar xistibû.
