Jîngehparêzê Kurd Mihemed Weysî ku bi nasnavê “Rojhelat” tê naskirin, ev 11 rojin ji aliyê hêzên rejîma Îranê ve hatiye revandin û agahî derbarê aqûbeta wî de nayê zanîn.
Hate zanîn ku Mihemed Weysî li cihê ku lê dixebitî, ji aliyê hêzên Wezareta Îstixbaratê (Îtlaat) ve hatiye binçavkirin.
Mihemed Elî Weysî (30) yek ji çalakvanên navdar û diyar yê jîngehparêzê Kurde ku bi sedan ajelên birîndar derman kiriye û dîsa berdana xwezayê. Ew terapîstê çûkan yê herî çalak yê li Îranê ye û gelek çûkên birîndar hîn jî li benda vegera wî ne. Pîşeya wî beşa mekanîkê ye.
Piştî binçavkirinê, hêzên rejîma Îranê çalakvanê jîngehparêz birin cihekî nediyar. Sedema sereke ya binçavkirina Mihemed Elî Weysî û sûcên ku ew pê tê tometbarkirin nehatine diyarkirin.
Herwiha derbarê çarenûs û cihê wî de tu agahî nîne, ev yek jî ji bo malbat û hevalên wî dibe sedema fikaran.
