Li gorî agahiyan, endamên komîsyonê ji Stenbolê bi helîkopterê bi rê ketin û berê xwe dan Girava Îmraliyê.
Di nava komîsyonê de Serokwekîla Koma DEM Partiyê Gulistan Kiliç Koçyîgît, Alîkarê Serokê Giştî yê MHP’ê Fetî Yildiz û Parlamenterê AKP’ê Huseyîn Yayman hene.
Hate ragihandin ku heyeta komîsyonê wê di hevdîtinê de li Rêber Apo guhdarî bike, Rêber Apo li ser sedemên derketina PKK’ê, têkiliyên Tirk-Kurd, hewldanên aştiyê, pêşniyarên çareseriyê û pêvajoya afirandina qanûnan nêrînên xwe ji komîsyonê re ragihîne.
