Kongre li Saziya Ciwanan ya Wargeha Penaberan a Şehîd Rustem Cûdî (Mexmûr) bi beşdarbûna delege û mêvanan bi deqeyek rêzgirtin ji bo cangoriyên Tevgera Azadiya Kurdistanê destpê kir. Salona kongreyê bi wêneyê Rêber Apo, şehîdên pêşeng û nivîsên ‘Ciwanên ku ber bi azadiyê ve dimeşin rawestandina wan zehmete’, ‘Jinên ciwan li banga Rêber Apo xwedî derdikevin jiyana komînal avadikin’, ‘Jin bi xwe gerdûne’ hat xemilandin.
Axaftina destpêkê ji aliyê Hevberdevkê Meclîsa Ciwanan Sîpan Yaman ve hat kirin. Sîpan Yaman di destpêka axafitina xwe de diyar kir ku lidarxistina kongreyek ciwanan ya di vê pêvajoyê de cihekî xwe yê pir girîng heye û got: “Piştî ku ev pêvajo hatî destpêkirin hîn zêdetir berpirsyartî daye ciwanan ku xwe li her derê xwe bi rêxistin bikin. Li ser vî bingehî ji bo em bibin dengê Rêbertî, ji bo em bikaribin bi ruhê ciwantî vê pêvajoya Aştî û Civaka Demokratîk bi ser bixin yê ku bikaribe vêya serbixe hêza ciwanane. Em dizanin ev şoreş ji destpêkê bigre heya niha bi saya pakrawanên nemir gihiştine heta roja îro. Ev nifşê ku niha li vê derê amade jî berhemên wan şehîdên qehremananin, bi saya Rêbertî û wan şehîdan em dikarin li hev kom bibin û ji bo çareserkirina pirsgirêkên Kurd çareserî derbixin û erkê xwe yê ciwantî pêkbînin. Em teqez dikin ku wê ev banga Aştî û Civaka Demokratîk bi serkeftinê mîsoger bibe. Em vê kongereyê diyarî Rêber Apo dikin.”
Piştî axaftina destpêkê, perspektîfên Rêber Apo hatin xwendin û peyama Komeleyên Ciwanan bi şêwazê sînevîzyon hate nîşandan.
Kongre bi nirxandina rewşa siyasî dewam dike.
