Îtîraza têkildarî taloqkirina tehliyeya rojnamevan Alî Bariş Kurt ê ku ji ber parvekirinên medyaya dijîtal û rojnamegeriyê derheqê wî de 2 sal 4 meh cezayê hepsê hate birîn, erêkirin û ji Girtîgeha Girtî ya Hejmar 1 a Tîpa L a Maltepeyê hate şandin, hate redkirin. Rojnamevan Alî Bariş Kûrt ji 8’ê Sibata 2025’an ve ye tê girtin.
4’emîn Dadgeriya Înfazê ya Anadolûyê di biryara xwe de egera taloqkirina înfaza Kûrt weke ‘’şandina nameyan a ji girtiyên li girtîgehên din dimînin re’’ hate nîşandan.
Desteya Rêveberî û Çavdêriya Girtîgehê jî tehliyeya Kûrt bi hinceta ku ‘’poşman nebûye û ihtimal heye zirarê bide hin kesên din’’ taloq kiribû.
Rojnamevan Alî Bariş Kûrt bi rêya malbata xwe daxuyaniyek da, nerazîbûnên xwe nîşanî biryara Dadgeriya Înfazê da û ev yek anîn ziman: ‘’Serlêdana ku min li hemberî îdîayên ku min ji girtîgehên din re name şandine û ez ne poşman im kir, hate redkirin lê belê heya roja îroyîn min ji tu kesên li girtîgehên din re name neşandine û ji min re name nehatine. Bi israr em ê li her derê parastina rojnamevaniyê û heqîqetê bikin.’’
