Endamê Serkirdayetiya YNK’ê û Berpirsê Beşa Rêxistinî ya YNK’ê Ziyad Cebar têkildarî avakirina hikûmeta Herêma Kurdistanê ji çapemeniyê re axivî.
Ziyad Cebar despêkê îşaret bi posta serokkomartiya Iraqê kir û got: “Posta serokkomartiya Iraqê ji bo Kurdan e, YNK wê di dema pêwîst de namzetê xwe yê serokkomartiyê diyar bike.”
Têkildarî hewldanên avakirina kabîneya nû ya hikûmeta Herêma Kurdistanê jî Ziyad Cebar got: “YNK û PDK li ser avakirina hikûmeta nû ya Herêmê nêzî lihevkirina dawî bûne.”
Beriya niha ji bo avakirina hikûmeta nû ya Herêma Kurdistanê şandeyên PDK’ê û YNK’ê 14 caran civiyane, lê nekarîne lihev bikin.
