Şêniyên Wargeha Penaberan a Şehîd Rustem Cûdî (Mexmûr) bi pêşengtiya Meclîsa Îştarê Komkujiya Parîsê ya yekem û duyem ku têde Sakîne Cansiz, Fîdan Dogan, Leyla Şaylemez, Evîn Goyî, Mîr Perwer û Ebdurrahman Kizil hatibûn qetilkirin, li Saziya Malbatên Şehîdan bi daxuyaniyekê şermezar kirin.
Bîranîn bi deqeyek rêzgirtin ji bo tevahî Şehîdên Tevgera Azadiya Kurdistanê destpê kir. Piştî rêzgirtinê têkildarî têkoşîna şehîdên Komkujiya Parîsê, Endama Konrdînasyona Meclîsa Îştar Cîhan Kaplan axivî.
Cîhan Kaplan di serî de şehîdên Komkujiya Parîsê bibîr anî û wiha got: “Em di demek dîrokî û hesas re derbaz dibin, eger ne bi saya şehidan bûya em ne digihiştin vê qonaxê. Li Parîsê du komkujî pêk hatin, di komkujiyek de heval Sara û hevalên xwe û ya din jî heval Evîn Goyî û hevalên xwe bi hovane hatin qetilkirin. Heval Evîn di nava rêxistinê de bi temenek biçûk têkoşînek bê hempa da meşandin. Heval Evîn ji ber nexweşiya xwe derbazî Ewropa bibû. Mirovek nexweş derbazî cihekî bibe û bi hovane nêzîkatî lê were kirin, ti navek jêre nayê gotin. Mirov ji dîrokê heta niha xwe bi mêvanperweriya xwe tê nasikirin, lê mixabin li Ewropaya serdest ku dibêjin em demokrasiyê û mafê mirovan diparêzin du komkujî li hemberî hevalên me yên jin ên pêşeng çêbûn. Mirovên me li wêderê qetil kirin, em van komkujiyan şermezar dikin. Heta ku faîl di dadgehê de neyên darizandin, em dest ji vê têkoşînê bernadin.”
Daxuyanî bi dirûşmeyên ‘Bijî Serok Apo’, ‘Jin Jiyan Azadî’ û ‘Şehîd Namirin’ bi dawî bû.
