Bi pêşengiya Komeleya Piştevanî û Alîkariyê ya Malbatên di Dergûşa Şaristaniyê de Xizmên Xwe Winda Kirine (MEBYA-DER) ji bo kesên di dîrokên cuda de şehîd bûne li gundikê Bîra Zeynê yê navçeya Pasûrê ya Amedê merasîma bîranînê hat lidarxistin û mewlûd hat dayîn. Meclisa Dayikên Aştiyê û gelek beşdarî mewlûdê bûn.
Di bîranînê de mewlûd hate xwendin. Piştî xwendina mewlûdê, li ser navê Zeynel Bayram parka zarokan hat vekirin. Bîranîn bi deqeyek rêzgirtinê berdewam kir. Di bîranînê de ewilî Hevseroka MEBYA-DER’a Amedê Gurbet Sevîktek Ari axivî û piştre li ser navê malbatê Îhsan Bayram axivî. Di axaftinan de bal kişandin ser Pêvajoya Aştî û Civaka Demokratîk û ji bo xwîn nerije banga pêkanîna aştiyê hat kirin.
Piştî axaftinan sînevîzyon hat pêşanda. Piştî sînevîzyonê beşdaran timî dirûşmeya “Şehîd namirin” berz kirin.
Şehîdên ku ji bo wan mewlûd hat dayîn ev in:
“Aladdîn (Hîkmî Yildenîz), Çiya Dilbirîn (Mekî Bayram), Servet Bayram, Şîrîn Bayram, Sînan (Şakir Bayram), Şemseddîn Bayram, Mahsun Bayram, Evrîm Andok (Azîze Bayram), Rêber Andok (M. Şah Yildenîz), Rodî Piling (Abîdîn Bayram), Pîro Pasûr (Şebap Bayram), Aladdîn Tîrêj (Serhat Bayram), Devrîm Amed (Hêvîdar Turk), Evrîm Andok (Ayşe Bayram), Laşer Lîs (Zeynel Bayram), Dilzar Rêber Andok (Rojbîn Sönmez)
