Yekitiya Êzidiyên Sûriyeyê têkildarî êrişên hikumeta veguhêz a Sûriyeyê yên li dijî xwepêşandêrên li herêmên perav û naverasta Sûriyeyê daxuyaniyek weşand.
Yekitiyê êrişên hêzên hikumeta veguhêz ên li dijî xwepêşandanên aştiyane bi tundî şermezar kirin û piştgirya xwe ji bo xwepêşandêran ragihand.
Yekitiyê diyar kir ku mîsyona hikumeta veguhêz ew e ku hewayên guncaw ji bo avakirina pergalekê ye ku tevahî pêkhateyên gelê Sûriyeyê jê razî be, ne ku pergaleke yek reng û yek teşe bi hêzê li ser her kesî ferz bike û hemû cûreyên terorê bi kar bîne.
Yekitiyê di dewama daxuyaniyê de destnîşan kir ku “Çewistandinên ku hatine kirin dighêjin asta komkujiyên li dijî pêkhateyên welat mîna Elewî, Durzî, Xiristiyan, Êzidî, Kurd, Ermen û Suryan, Erebên Sunne yên sivîl, hêzên siyasî yên cuda yên bi mafên mirovan û nirxên demokrasiya sivîl bawer in.”
Yekitiyê diyar kir ku redkirina nêrînên cuda wê nikaribe daxwazên rewa yên pêkhateyên Sûriyeyê ji bo jiyaneke siyasî û ewle ya durust bêdeng bike û wiha hat domandin “
Yekitiya Êzidiyan piştgriya xwe bo her kesê ku doza azadî, demokrasî, fedralîzm û nenvendîbûnê dike, nîşan da. Her wiha ji bo malbataên şehîdan sersaxî û birîndaran re jî başbûn xwest û banga berdana girtiyan kir.
