Petro li ser platforma medya dîjîtal X’ê daxuyaniyek da û got, “Navê min di ti dosyayeke edlî ya têkildarî bazirganiya narkotîkê de nîne. Birêz Trump bes îftirayê li min bikin.”
Serokê Dewletên Yekbûyî yên Emerîkayê (DYE) Donald Trump li balafira Air Force One daxuyaniyek da rojnamevanan û îdîa kir ku destwerdaneke leşkerî ya li Kolombiyayê ya weke operasyona li Venezuelayê, dibe ku fikrekî baş be. Trump Serokdewletê Kolombiyayê Petro sûcdar kir ku narkotîkê vediguhezîne DYE’yê û got, “Wê nikaribe vê bi demdirêjî dewam bike.”
Serokê DYE’yê roja Şemiyê ji bo Petro got, “Divê hay ji xwe hebe” û roja Yekşemê jî ji bo lîderê Kolombiyayê got, “Zilamê nexweş” û îdîa kir ku “Ji bikaranîna kokaînê hez dike.” Trump îdîa kir ku Kolombiya jî “welatekî nexweşketî ye” û îdîa kir ku Petro “Febrîqeyên kokaînê ava kiriye û difiroşe DYE’yê.”
Serokdewletê Kolombiyayê yê çepgir Gustavo Petro jî polîtîkayên leşkerî yên rêveberiya Trump ên li herêmê bi zimanekî tund rexne dike. Petro girtina Serokdewletê Venezuelayê Nicolas Maduro ji aliyê DYE’yê ve weke “revandineke ne hiqûqî” pênase kir. Maduro piştî bombardûmana li ser paytext Caracasê dawiya hefteyê hatibû binçavkirin.
Wezareta Karên Derve ya Kolombiyayê nerazîbûneke tund nîşanî daxuyaniyên Trump da û ev yek weke “Destwerdaneke nayê qebûlkirin” pênase kir û ji DYE’yê daxwaza “hurmetê” kir.
