Rûniştina dawî ya dozê li Dadgeha Cezayê ya 14’emîn a Mêrsînê hate lidar xistin. Siyasetmedarê Kurd Demîrtaş ku li Girtîgeha Tîpa F a Edirneyê girtî ye tevlî rûniştinê nebû; parêzerên wî amade bûn.
Parêzeran, ji bo parastinê daxwaza demê kirin û diyar kirin ku ji ber daxwazên ku di rûniştina berê de hatine kirin, ew nekarîne parastina xwe amade bikin. Lê dadger ev daxwaz red kir.
Parêzeran, jî diyar kirin ku mafê parastina adilane hatiye binpêkirin daxwaza redkirina dadger kirin. Dadgehê ev daxwaz û daxwaza Demîrtaş a tevlîbûna rûniştinê ji ber sedemên ewlehiyê red kir.
Piştî axaftina parêzeran, dadgehê bi îdîaya ‘heqeret li serokkomariyê’ salek, 5 meh û 15 roj cezayê girtîgehê da Demîrtaş.
