Li gorî agahiyên ku dozgerê New Yorkê Jay Clayton parve kirine, belgeyên berbehs hê jî tên lêkolînkirin û ji bû weşandinê tên amadekirin.
Hikûmeta DYE’yê, berpirsiyar bû ku diviya hemû belgeyên têkildarî doza Epstein heya 19’ê Kanûnê eşkere bikirana. Lê belê heya niha bes nêzîkî 12 hezar û 285 belge hatine weşandin. Hate ragihandin ku ev belge bi tevahî ji 125 hezar û 575 rûpelan pêk tên.
Dozger Jay Clayton di nûkirina 5 rûpelî de got: ‘’Zêdetirî du milyon belge tên lêkolînkirin û ji bo weşandinê tên amadekirin.’’ Clayton diyar kir ku hefteyên pêşiya me wê nêzîkî 400 parêzerên girêdayî Wezareta Edaletê dosyeyan lêkolîn bikin.
Clayton ragihand ku belgeyên din ji aliyê cure, mezinahî û formatê ve ji hev cuda ne û diyar kir ku ji bo parastina agahiyên taybet û nasnameyên mexdûrên Epstein divê xebateke cidî were birêvebrin.
GELO TRUMP BELGEYAN VEDIŞÊRE?
Her wiha Demokrat, rêveberiya Trump bi veşartina belgeyan tawanbar dikin. Li gorî muxalefetê hikûmet dosyaya berfiref bi giranî sansûr kiriye, perçe bi perçe diweşîne û ji raya giştî vedişêre.
Li gorî uasaya ku ji aliyê Demokrat û Komarparêzan ve bi hev re hate qebûlkirin, divê temamiya doza Epstein ji raya giştî re were eşkerekrin. Dosya, ji ber têkiliya berê ya dostane ya Donald Trump û Jeffrey Epstein ji aliyê rêveberiya heyî ve xwedan naverokeke siyasî ye û hesas e.
Setên belgeyan ên beriya niha hatine weşandin, li bendê bûn ku ji ber destdirêya li ser zarokên keç ên di bin 18 saliyê de werin darizandin û li gorî rayedaran jî tora têkiliya Jeffrey Ensteîn ê li girtîgehê xwe kuşt, raxistibû ber çavan. Her wiha di belgeyan de hûrgiliyên têkildarî têkiliya di navbera Epstein û Donald Trump de cih digirtin.
