Meclisên Bajarên Kesra û Hecînê yên kantona Dêrazorê bi daxuyaniyek hevbeş li ser navên xelkê, rewşenbîr û rûspiyan êriş û komkujiyên çeteyên hikumeta demkî yên li dijî gelê taxên Şêxmeqsûd û Eşrefiyê kirine, şermezar kirin.
Hevserokê Nivîsgeha Xizmetguzriyê ya Meclisa Kesra Ehmed el Cirês û endama rêveber a Tevgera Ciwanên Şoreşger a Hecînê Neda El Colan daxuyanî xwendin.
Di daxuyaniyên de êriş û komkujiyên çeteyên hikumeta demkî ya Sûriyeyê li dijî gelê taxên Helebê û koçberkirina sivîlan şermezar kirin û got “Ew sûcek dermirovî ye.”
Meclisan di daxuyaniyê de anî ziman ku bêdengiya navneteweyê rê li pêş dubarebûna komkujiyan vedike û destûrê dide çeteyan.
Di dawiyê de dewleta Tirk a dagirker berpirsa yekemîn a van komkujiyan hat dîtin.
