Peoples Caravan ji bo bigihije Kobanê, 21’ê Çileya 2026’an ji rotayên cuda yên Ewropayê bi rê ket.
Koma ewilî ya konvoyê ya ku ji enternasyonalîstan û piştevanan pêk tê, 21’ê Çileyê li bajarê Koln ê Elmanyayê, koma duyemîn jî 23’yê Çileyê li Hannoverê kom bû û ber bi Kasselê ve bi rê ket.
Piştre bi tevlîbûna ji bajarên cuda yên Ewropayê, konvoy gihişte paytexta Awûstûrya Viyanayê. Konvoy rotaya xwe ya ji Belgrad û Selanik ber bi Kobanê ve didomîne.
Ji bo piştevaniya enternasyonalîstên bi dirûşmeya “Ji bo Parastina Mirovahiyê Konvoya Gelan” bi rê ketin, hunermendê Elman TrueLu bi tarzê hîp hop strana “Bijî Rojava” çêkir.
