Li navçeya Koye, bajarokê Qeladizê û Derekotir a Binarê Qendîlê îro ji bo piştgiriya berxwedana Rojavayê Kurdistanê û şermezarkirina êrişên çeteyên hikûmeta Colanî, DAIŞ û çeteyên girêdayî dewleta Tirk a dagirker meşên girseyî hatin lidarxistin.
Di meşên girseyî de dirûşmeyên netewî hatin berzkirin û tekezî bi wê yekê hate kirin ku parastina deskeftiyên Rojavayê Kurdistanê erkekî netewî yê tevayî gelê Kurde û gelê Kurd piştgiriya hev dike.
Her wisa li Derekotir a Binarê Qendîlê jî meşek hat lidarxistin û di meşê de dirûşmeyên ‘Qendîl û Rojava Yek Xwîn û Yek Cane’ hatin berzkirin. Di meşê de bang li civaka navnetewî hate kirin ku pêşî li êrişên bi armanca qirkirina gelê Kurd li Rojavayê Kurdistanê bigrin.
Her wiha xelkê Qeladizê jî bi ruhê yekîtiya gelê Kurd meşek ji bo piştgiriya berxwedana rûmetê ya Rojavayê Kurdistanê lidar xist. Di meşê de tekezî bi wê yekê kirin ku xelkê Qeladizê Rojava bi tenê nahêle û wê heta serkeftinê piştgiriya wê bikin.
