– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Hevberdevka HDK’ê Meral Daniş Beştaş li ser peymana di navbera QSD û Şamê de nirxandin kir û got: “Ev destpêkek e. Çarçoveya yekem a li ser masê hatî pêşkêşkirin, dê bi îradeya hevpar a gelên Sûriyê pêş ve biçe û temam bibe.”
– Rahime Çelik a ku kurê wê di Tîrmeha 2014’an de di şerên li Kobanê de jiyana xwe ji dest da, got: “Ew ji me re bûn hêvî. Em jî wê hêviyê biparêzin û bidomînin. Wê çavên zarokên me li gorê vekirî nemînin.”
– Endama Lijneya Rêvebir a Komeleya Jinên Rosa Suzan Îşbîlen bal kişand ser vê yekê ku Rojava ne tenê xeta parastinê ye, avakirina şaristaniyeke nû ya ku bi azadiya jinê hatiye hunandin e.
– Şîlan Eminoğlu diyar kir ku şoreşa Rojava bûye têkoşîneke demokratîk û azadîxwaz ku jin pêşengiya wê dikin û li hemberî êrîşên DAÎŞ’ê hem destkeftiyên xwe hem jî rûmeta gel parastiye.
– Cemîl Karakoyun: “Binpêkirina qada qedexe ya leşkerî dikare bê nîqaşkirin, lê belê sûcdariyên endamtiya rêxistinê û propagandayê, tu bingeheke van a hiqûqî tune ye. Di encamê de ev binçavkirin û girtin, sepandineke ji bo tirsandina gel û bêdengkirina wî ne.”
