Beriya çend kêliyan hevdîtina şandeya ji Hêzên Ewlekariya Hundirîn (Asayîş) a bajarê Kobanê bi fermandariya Ewlekariya Hundirîn a Helebê re bi dawî bû. Di hevdîtinê de mekanîzmayên pêkanîna bendên lihevkirina 29ˊê Çileyê, rêbazên pêxistina ewlehiyê di navbera her du aliyan de hatin gotûbêjkirin.
Di civînê de jî çawaniya tensîqkirinê ji bo rakirina dorpêça li ser bajarê Kobanê, mekanîzmayên hevkariyê di navbera hêzên ewlehiyê li Kobanê û gundewarê wî ku rewşa ewlehî baş bibe û tevgera şêniyan hêsan bibe hatin nîqaşkirin.
Şandeya bajarê Kobanê ji hevseroka Hêzên Asayîşa Kobanê Arîn Kobanê û hejmarek endamên Hêzên Asayîşê pêk hat.
Şandeya Kobanê ji hêla fermandarê Hêzên Ewlekariya Hunidirîn ê Helebê Mihemed Ebdulxenî li navenda Ewlekariya Hundirîn a bajarê Helebê ve hat pêşwazîkirin.
