Dorpêça li ser bajarê Kobanê dewam dike. 12 kamyonên barhilgirên alîkariyên mirovî yên Heyva Sor a Kurd derbasî bajarê Kobanê bûn.
Ekîbên Heyva Sor a Kurd, tavilê dest bi belavkirina alîkariyan kir ku ji xurek, derman û cilan pêk tê. Alîkarî li koçber û kesên hewcedar hatin belavkirin.
Ji destpêka êrişên komên hikumeta demkî ya Sûriyeyê û çeteyên dewleta Tirk a dagirker ve ev beşa duyemîn a alîkariyan e ku Heyva Sor a Kurd derbasî Kobanê dike.
Nivîsgeha Ragihandinê ya Heyva Sor a Kurd diyar kir ku armanca êrişan sivikkirina krîza mirovî ya li bajar e, nemaze ji ber ku dorpêç didome û pêdiviyên bingehîn kêm in.
Rêveberiya Kobanê di 12’ê Adarê de bi daxuyaniyekê ragihand ku tevî îmzekirina peymana 29’ê Çileyê, lê Kobanê hîna jî ji gelek aliyan ve dorpêçkirî ye, qedexe li ser tevgera çûn û hatinê hene, înternet qut e, rê nayê dayîn ku sotemenî derbas bibin. Rêveberiyê destnîşan kir ku gavên heta niha li ser erdê hatine avêtin, ne li gorî asta tê xwestin e û diyar kir ku hîna komên leşkerî yên hikumeta demkî li gundên başûrê rojhilatê Kobanê hene. Her wiha îşaret pê kir ku bûyerên revandin û destdirêjiyê li dijî sivîlan çêbûne.
