Li navenda bajarê Semsûrê, li gel bajaranê jî girseya gel bi rengên kesk, sor û zer qada Newrozê dagirt. Girseya gel tim û tim dirûşmên “Bijî Serok Apo”, “Bê Serok jiyan nabe”, “Bijî berxwedana Îmraliyê”, “Jin, Jiyan, Azadî” û “Şehîd namirin” qîriya.
Piştî dadana agirê Newrozê Parlamenterê Partiya Demokrasî û Wekheviyê ya Gelan (DEM Partî) Celal Firat axivî û got, “Vê xakê li hemberî erdhejê, li hemberî êş û zilmê li ber xwe da. Niha jî wê bi hev re ji bo aştiyê li ber xwe bide. Newroz ronîbûna tarîtiyê ye. Agirê Kawayê hesinkar e ku li hemberî Dehaqan dada. Ew agir îro her devera Tirkiyeyê ronî dike.”
Berdevka Meclîsa Jinan a DEM Partiyê Halîde Turkoglû jî got, “Newroz berxwedan bi xwe ye. Roja jiyana bi hev re ya gelan e. Agirê Newrozê ku ji Kawayan heta Mazlûman gihîşt vê serdemê, ji me re dibêje; ji bo azadiyê ev agir wê gur bibe. Ji bo wekheviyê ev agir wê gur bibe. Ji bo aştiyê ev agir wê gur bibe. Li dijî zaliman ev agir wê gur bibe.”
Piştî axaftinan hunermend Sûavî, Berfîn Işik û Mem Sîdar derketin ser dikê û hunera xwe pêşkêş kirin.
