Pîrozbahiya Cejna Newrozê ya Amedê ku bi dirûşmên “Newroza azadî û yekitiya demokratîk” û “Newroza azadî û demokrasiyê” tê lidarxistin, dest pê kir.
Bi deh hezaran kesên hatin qadê, li ber stranên Kurdî û li ber dahol û zirneyê govendê digerînin.
Tevlîbûna zêde ya jin û ciwanan balê dikişîne. Hinek ciwanan bi flamayên Rêber Apo qule çêkir.
Li rexekî herikîna deh hezaran kesan a ber bi qadê ve didome û li hêla din jî koma Kemençeyê derket ser dikê. Girseya li qadê demekî dirêj li ber kemençeyê govend gerand.
Tevî baranê jî coşa li qadê her ku diçe zêdetir dibe. Girse, gelek caran dirûşma “Bijî Serok Apo” berz dike.
Newroz, bi peyamên “Hûn bi xêr hatin” û “Newroza we pîroz be” yên bi zimanên cuda dest pê kir.
Piştre jî girseyê bi yekdengî Newroza Rêber Apo pîroz kir.
Di şexsê Salih Muslim de, ji bo kesên di têkoşîna azadiyê ya gelê Kurd de jiyana xwe ji des dane deqeyek rêz hate girtin. Li qadê dirûşma “Şehîd namirin” olan da.
