Serokê Giştî yê CHP’ê Ozgur Ozel ji bo pîrozbahiya Cejna Newrozê ya Amedê peyamek şand. Ozel, Newroza gel pîroz kir û got ku tekane rêya li pêşiya wan aştî ye. Ozel, anî ziman ku Newroz mizgîniya têkçûna zaliman e û heta ku ew têbikoşin dê çarenûsa zaliman her tim têkçûn be.
Ozel, got ku îsal Cejna Remezanê û ya Newrozê gihiştine hev û got ku yên dema xwişk-birayên wan tên bombebarankirin û di bin zilmê de dikenin xwedî tu mirovatiyê nînin û got: “Yên kenê xwe bi hesrên çavên Kurdên li Sûriyeyê dikin û yên keyfa xwe bi êşa wan tînin jî ji me nînin.”
Ozel, got ku CHP li dijî tundiyê bi çareserî û aştiyê re ye; hişmendiya Kurdan û Tirkan bi hev dide qirkirin ji bo wan tu hukmê wan nîne û yên ji bo menfaetê xwe gel ji hev dûr dixe jî alîgirê Dehaqê zalim in. Ozel, herî dawî got ku ew ê tevî gelê Kurd bi awayekî wekhev û birûmet bijîn û bihar û Newroza wan jî ev e.
