Polîsên ku serê sibehê nehiştin xebatkarên çapemeniyê derbasî qadê bibin, hewl dan ser siyasetmedarên li qadê lêgerînê bikin. Vê hewldanê rê li ber rageşiyê vekir.
Polîsan hewl dan ser Veysî Aktaş, Endama Desteya Rêveber a Partiya Demokrasî û Wekheviyê ya Gelan (DEM Partî) Derya Aslan û gelek siyasetmedarên tevî Hevserokê Giştî Tuncer Bakirhan hatin qadê lêgerînê bikin. Siyasetmedaran jî bertek nîşanî sepana polîsan dan û rageşî derket. Piştî nîqaşan, siyasetmedar li otobûsê siwar bûn û vegeriyan.
Polîsên ku bênavber bi sepanên xwe rê li ber rageşiyê vedikin, bi hezaran kes negirtin qadê û rageşiya heyî mezintir dikin. Vê jî kir ku bernameya Newrozê dereng vemîne. Bernameya Newrozê diviyabû heta niha dest pê bikira lê ji ber provokasyonên polîsan hêj dest pê nekiriye.
