Di çalakiyê de ku li Şanoya Servekirî ya Mîmar Sînan pêk hat, serê sibehê destpê kir. Li gel barana zêde jî girseya gel bi kincên xwe yên gelêrî berê xwe da qadê û li ber dirûşmên “Bijî Serok Apo”, “Bê Serok jiyan nabe”, “Bijî Newroz” û “Şehîd Namirin” dest bi çalakiyê kir.
Li pîrozbahiyê di axaftinan de daxwaza azadiya fîzîkî ya Rêber Apo li pêş bû.
Hevserokên Bajarê Edeneyê yên DEM Partiyê Hêlîn Kaya û Seyfettîn Aydemîr bal kişandin ser girîngiya dîrokî ya p^revajoyê û banga azadiyê kirin.
Piştî ku Dayikên Aştiyê agirê Newrozê dadan, coşa Newrozê geş bû. Girtiyên li girtîgehên herêma Çûkûrovayê peyamek şandin û piştî peyama girtiyan hate xwendin, dirûşma “Girtiyên siyasî rûmeta me ne” hate qîrîn. Di çalakiyê de siyasetmedar Sirri Sureyya Onder jî hate bîranîn.
Berdevka Meclîsa Jinan a DEM Partiyê Halîde Turkoglû di çalakiyê de axivî û anî ziman ku Newroz nîşaneya têkoşîna hevpar û berxwedanê ye û bal kişand ser rola jin û ciwanan a di vê demê de.
Halîde Turkoglû di serî de Selahattîn Demîrtaş, Fîgen Yuksekdag û Leyla Guven ji bo girtiyên siyasî hemûyan banga azadiyê kir.
Alîkarê Hevserokên DEM Partiyê Mehmet Ruştu Tîryakî jî işaret bi pêvajoya aştiyê kir û got, ji bo pêkhatina aştiyeke mayinde azadiya Rêber Apo girîng e.
Piştî axaftinan hunermendan stranên xwe gotin û girseya gel govend gerand.
