Gerîlayên li herêma Garê ya Herêmên Parastinê yên Medyayê Newroz li ser bingeha ruhê Aştî û Civaka Demokratîk bi coş û kelecaneke mezin pîroz kirin.
Weke xebatkarên çapemeniya azad me û hevala me Hêlîn Harûn Çekdar, ji bo kişandina dîmenê pîrozbahiya Newrozê ya gerîlayên Kurdistanê li gel gerîlayan em derketin serê çiyê.
Cejna Newrozê ku mizgîniya biharê ye, li xaka Kurdistanê timî li ser bingeha berxwedanê hatiye pîrozkirin. Gelê Kurd coşa biharê li gel êşên giran jî bi kelecaneke mezin pêşwazî kiriye, berê xwe daye têkoşînên nû û meha Adarê jî weke meha têkoşîn û nûbûnê dîtiye. Gerîla ku ewladên gelê Kurd e, ev ala têkoşînê nîv sed sal in bi serketineke mezin hildan û ji bo azadiyê berxwedan mezin kirin.
Ji ber vê yekê gerîla li çiyayên Kurdistanê li gel her şert û mercî Newrozê bi coş û kelecaneke mezin pêşwazî dike. Agirê berxwedanê ji serê çiyê heta bi deştê dibe moral û coşeke mezin.
