Şeva bihurî gelek caran bi droneyan bombebarkirî êrişî ser deverên cûda yên Herêma Kurdistanê hat kirin.
Yek ji cihên hatî hedefgirtin Kampa Azadî û Zewye Spî yên li navçeya Koye bû. Di derbarê ziyanên êrişê de agahî nehatine belavkirin.
Her wiha di saetên dereng de 3 caran bi droneyan êrişî ser Hewlêrê hat kirin, lê drone li hewayê hatin teqandin. Têkildarî ziyanên wê jî agahî nehatine parvekirin.
Yek ji cihên din ku bû armanca êrişa bi droneyê, devera bazargeh ya Mexmûrê bû ku hêzên pêşmerge lê ne.
Her wiha carek din bi droneyan êrişî derdora mala Nêçîrvan Barzanî ya li Dihokê û çiyayê Korek hatin kirin.
Li aliyê din ji ber zêdebûna êrişan li Hewlêr, Silêmanî, Dihok, Soran û Koye îro dibistan girtî mane û wek betlane hate ragihandin.
