Xeteke ji Efrînê heya Şehbayê, ji Kilîsê heya Serêkaniyê û ji Reqayê heya Qamişloyê… Ev xet, çîroka rojên êsîrbûn, têkoşîna jiyanê ya dijwar û hêviya li hemberî hemû zehmetiyan a ciwanê Efrînî yê bi navê Avdan Mehmûd vedibêje.
Avdan Mehmûd diyar dike ku ew salek 3 meh û 17 rojan li girtîgehên cuda bi biçîbûn, êşkence, zexta derûnî, gefên kuştinê û lêpirsînên bi darê zorê re rû bi rû maye.
‘KOÇBERÎ, DAGIRKERÎ, ŞER… HEMÛ HATIN SERÊ MIN’
Avdan Mehmûd ê di sala 1993’yan de li bajarê Efrînê ji dayîk dibe û ji heft xwiş û birayan ê herî biçûk e. Ji sala 2015’an û pê ve di nava refên Hêzên Sûriyeya Demokratîk (QSD) de cih girt. Di sala 2018’an de li gel êrîşêndagirkeriyê yên li ser Efrînê li gel malbata xwe berê xwe dide herêma Şehbayê.
Avdan Mehmûd wiha qala wan rojan dike:
‘’Di sala 20189’an de Efrîn hate dagirkirin. Xaniyê me hate hedefgirtin û darên me yên zeytûnan hatin birîn. Xaniyên me dihatin talankirin. Koçberî, dagirkerî, şer û berxwedan ez bûme şahidê van hemûyan.’’
2024: HEVSENGIYÊN GUHERÎN Û DESTPÊKA ÊSÎRBÛNÊ
Di 28’ê 2024’an de li gel hilweşîna rejîma Esad li gelek herêmên Sûriyeyê hevsengî guherîn. Li serxeta Heleb û Şehbayê êrîşên komên girêdayî Heyet Tahrir el-Şam (HTŞ) û Tirkiyeyê zêde bûn. Avdan Mehmûd ê ku di vê pêvajoyê de di nava welatiyên sivîl ên ku ji Şehbayê vekişiyan de bû, ji aliyên kesên çekdar ên girêdayî koma Sultan Murad ve hate revandin.
Avdan Mehmûd wan rojan wiha bilêv dike:
‘’Ji ber ku ez Kurd bûm, wan ez hedef girtim. Bi awayekî komî em binçav kirin û bi rojan êşkence li me kirin.’’
PÊVAJOYA BIRINA KILÎSÊ Û LÊPIRSÎNÊ
Avdan Mehmûd ê ku piştê dîl tê girtin wî dibin bajarê Kilîs ê Tirkiyeyê, li wir wî teslîmî îstixbarata Tirk dikin. Avdan diyar dike ku li vir êşkenceya fîzîkî û derûnî lê tê kirin:
‘’Bi dehan caran pirsên weke ‘Ma tu Kurd î? Tu çima beşdarî QSD’ê bûyî?’ li min kirin. Dîmeênên min girtin û şantaj li min kirin. Ji min re gotin ku ‘Em ê te bikujin û teslşmî malbata te bikin’ û bi rojan ez di hucreyê de girtim.’’
Malbata Avdan Mehmûd di vê pêvajoyê de bi tu awayî agahî jê nestand.
GIRTÎGEHA EL RAIA: ‘XIRABTIRÎN GIRTÎGEHA SÛRIYEYÊ’
Piştre Avdan Mehmûd ji Girtîgeha El Raiayê re tê şandin. Şert û mercên girtîgehê wiha tîne ziman:
‘’El Raia cihê herî xirab bû. Kesên ku ev deh sal in li wir tên ragirtin, hene. Êşkence, miameleya xirab, birçîbûn… Hemû tiştên xirab lê hebûn.’’
Avdan Mehmûd ê ku piştî rehîngirtina nêzîkî salekê ji Girtîgeha Kilîsê tê derxistin, vê carê jî dişînin Serêkaniyê.
ZEXT Û ÊŞKENCEYA DERÛNÎ YA LI SERÊKANIYÊ
Avdan Mehmûd anî ziman ku ert û mercên li Serêkaniyê gelekî giran bûn û li wir zextê lê hatiye kirin ku dev ji QSD’ê berde:
‘’Armanca wan şikandina îradeya me û teslîmgirtin bû. Êşkenceya derînî gelekî zêde hebû.’’
‘EZ BI HEMÛ TIŞTAN RE RÛ BI RÛ MAM’
Avdan Mehmûd bi kurtasî wiha qala pêvajoya êsîrbûnê dike:
‘’Ez salek, 3 meh û 17 rojan girtî mam. Li girtîgehê ez bi êşkence, zexta derûnî, bêavî, bêxewî, şikandina îradeyê, tirsandin û çewisandin… Ez bi hemû tiştan re rû bi rû mam. Lê belê di dawiyê de ez gihîştim malbat û hevalên xwe.’’
RAWESTGEHA DAWÎN A ÊSÎRBÛNÊ
Avdan Mehmûdê ku ji Serêkaniyê tê derxistin, ji Hikûmeta Demkî ya Şamê re tê teslîmkirin. Zêdetirî mehekê li Reqayê hate ragirtin. Li vir jêre hate gotin ku wê pevguherîna dîlan were kirin.
Ji me re gotin ku ew ê me teslîmî malbatên me bikin. Me agahî stand ku wê pevguherîna dîlan çêbibe û piştre em berdan.’’
Avdan Mehmûd tiştên ku ku hatine serê wî bi van gotinan temam dike:
‘’Piştî van rojên zor û zehmet min bi tu awayî hêviya xwe ji winda nekir. Min xeyal kiribû ku ez ê rojekê bigihîjim malbata xwe. Ez a niha li ba malbata xwe me û kêfxweş im.’’
