Dost û malbatên dîlgirtiyên ku ji aliyê hikûmeta demkî ya Sûriyeyê ve hatine girtin li ber avahiya Komîseriya Bilind a Penaberan a NYˊyê ya li taxa Siyahî ya bajarê Qamişloyê çalakiyek li dar xist, daxwaza bilez a berdana dîlgirtiyan kir.
Dost û malbatan wêneyên dîlgirtiyan û pankartên “Azadî maf e, ne daxwazek e”, “Dayikên me li bendê ne… Edalet li ku ye?”, “Bi dîlgirtiyan re heta serketinê” bilind kirin.
Li ber avahiya NYˊyê, dirûşmeyên “Bijî berxwedana li girtîgehan”, “Bi can û xwîna xwe em ê dîlgirtiyên xwe rizgar bikin”, “qeyd û zincîrên girtîgehan bişikînin”, “Em dîlgirtiyên xwe dixwazin… Em şervanên xwe dixwazin” hatin berzkirin.
Malbatan daxwaza naskirina aqûbeta rojnamevan Eva Maria Maghelman û rojnamevan Ehmed Polat kir ku ku heta niha agahiyên zelal li ser rewşa wan tune ne.
Malbatên dîlgirtiyan da zanîn ku sebra wan nemaye, ew ê heta ku daxwazên wan werin bicîhanîn û zarokên wan werin berdan çalakiyên xwe bidomînin.
