Li navçeya Sîncan a Enqereyê, çawişê pispor ê teqawîtbûyî R.B. jin a pê re zewicî D.B. û keça xwe I.N.B. bi çekê kuşt. Kujer piştre bi heman çekê dawî li jiyana xwe anî.
Tîmên tenduristiyê û polîsên ku bi îxbarê çûn cihê bûyerê, dîtin ku D.B. û I.N.B. li cihê bûyerê jiyana xwe ji dest dane.
Keça din a malbatê S.B. a birîndar jî rakirin nexweşxaneyê. Têkildarî bûyerê lêpirsîn hate destpêkirin.
Li navçeya Çekmekoyê ya Stenbolê jî mêrê bi navê S.H. dayika xwe M.H. bi çekê qetil kir.
Piştî bûyerê kiryar hate binçavkirin.
MEHA ADARÊ HERÎ KÊM 29 JIN HATIN KUŞTIN
Li Tirkiyeyê her meh bi dehan jin têne kuştin. Li gorî daneyên JINNEWS’ê tenê meha Adarê herî kêm 29 jin û 2 zarok hatin kuştin, 20 jin û 2 zarok jî bi gumanbarî jiyana xwe ji dest dan.
