Serokê DYE’yê Donald Trump piştî agirbesta li gel Îranê li ser medyaya dijîtal Truth Socialê daxuyaniyek da û diyar kir ku dosyeya nukleer pêşaniya sereke ya Washingtonê ye.
Trump ev yek anîn ziman: ‘’Wê dewlemendkirina uranyûnê çênebe û DYE wê li gel Îranê hevkariyê bike û hemû ‘toza’ nukleerê derxîne holê û tune bike.’’
Serokê DYE’yê diyar kir ku wê di muzakereyên li gel Îranê debi taybetîmijarên weke sivikkirina pêkanînên DYE’yê û bacên gumrikê werin nîqaşkirin.
MUHAFIZÊN ŞOREŞÊ: EM TIM Û TIM AMADE NE
Muhafizên Şoreşa Îranê daxuyaniyek dan û destnîşan kirin ku tevî agirbestê jî ew tim û tim amade ne.
Di daxuyaniyê de hate diyarkirin ku Îran ji DYE’yê bawer nake û hate îfadekirin ku ‘ger dijmin xetaya xwe dubare bike ew ê tundtir bersivê bidin.’
KUWEYT: ÊRÎŞÊN ÎRANÊ BERDEWAM DIKIN
Artêşa Kuweytê jî daxuyaniyek da û da zanîn ku ew serê sibehê bi êrîşên Îranê yên dijwar re rû bi rû mane. Hate îfadekirin ku pergalên parastina hewayê 28 balafirên bêmirov tespît kirine.
Kuweytê diyar kir ku êrîşên berbehs bûne sedema zirarên madî yên mezin.
