Levent Înanir ê biraziyê Kadîr Înanir diyar kir ku hunermend nikare bêhna xwe bide û bistîne û girêdayî vê yekê nirxên xwîna wî daketine. Levent Înanir got: ‘’Em hêvî dikin ku wê baş bibe, ew ê wê yekê bexşî hezkiriyên xwe bike.’’
Levent Înanir anî ziman ku Kadîr Înanir di hevdîtina dawîn de pirsa tenduristiya apê xwe û dayika xwe kiriye, morala wî baş e, diyar kir ku henek kirine û gotiye; ‘’Min derxin, Leventî razînin.’’
Nivîskar û lîstikvan Julîde Kûralê jî daxuyaniyek da û got ku li ser pişika Kadîr Înanir di bin zatûreyê de kîstek hatiye dîtin.
Julîde Kûral anî ziman ku ji bo baştir mudaxele û tedawî werin kirin hunermend hatiye entûbekirin.
Julîde Kûralê diyar kir ku rewş cidî ye û ev yek anîn ziman: ‘’Em bi rewşeke gelekî xeternak re rû bi rû ne. Hêvî dikim ku em ê agahiyên baş bistînin.’’
