Li Sûriyeyê mayinên ji şer mane û cebilxaneyên neteqiyayî hîn jî metirsî ye li ser jiyana sivîlan. Li vî welatî hîn jî qadeke berfireh weke qada şer e. Bi taybetî ev metirsî bandora herÎ giran li zarokan dike.
SOHR: JI BER BERMAHIYÊN ŞER 284 ZAROK MIRIN
Li gorî daneyên Saziya Çavdêriyê ya Mafên Mirovan (SOHR) ji hilweşîna rejîma berê û vir ve ji ber bermahiyên şer ên neteqiyayî 889 kesî jiyana xwe ji dest dan. Ji qurbaniyan 284 jê zarok, 55 jî jin bûn.
DI SALA 2026’AN DE BÛYERÊN TUNDIYÊ ZÊDE BÛN
SOHR’ê diyar kir ku ji destpêka sala 2026’an û vir ve ji ber valahiya ewlekariyê ya li welêt û belavbûna çekan, bûyerên tundiyê gelekî zêde bûn.
Li gorî raporê êrişên ji bo tolhildanê, sûîqest û înfazên li ser esasê mezhebî jî di nav de gelek bûyerên çekdarî rû dan.
258 BÛYERÊN KUŞTINÊ
Li gorî daneyên SOHR’ê di nava sala 2026’an li seranserê Sûriyeyê 258 bûyerên kuştinê rû dan. Di encamê de jî 285 kes hatin kuştin.
Hate ragihandin ku ji kesên jiyana xwe ji dest dan 227 jê mêr, 20 jê zarok û 38 jî jin bûn.
