Zelenskiy li ser hesabê xwe yê Telegramê daxuyaniyek da û diyar kir ku di êrişan de wan li parzûngeha Başneft-Novoil a li Başkurdistanê û parzûngeha Slavneft-Yanos a li herêma Yarolavlê xistine.
Zelenskiy îdîa kir ku ev navendên petrolê ji çavkaniyên girîng ên petrolê yê Moskowê ne ku “şer û kuştina Ûkraynayiyan fînanse dikin.”
Lîderê Ûkraynayê her wiha got, li Derya Reş êriş birine ser 2 botên leşkerî yên Rûs û hin keştiyên ser bi “Fîloya Sihê” ya Rûsyayê ku ji bo têkbirina pêkanînê petrolê bi kar tîne.
Li aliyê din Wezareta Parastinê ya Rûsyayê îdîa kir ku nîvê şevê li Derya Reş li du keştiyên bar xistine ku malzemeyên leşkerî ji artêşa Ûkraynayê re dibirin.
Li gorî daneyên Neteweyên Yekbûyî di şeş mehên destpêkê yên vê salê de di şerê Ûkrayna-Rûsyayê 1.396 sivîlan jiyana xwe ji dest dan, 7.978 kes jî birîndar bûn.
