Tevgera Jinên Pêncşêr bi daxuyaniyekê diyar kir ku di pênc salên bihurî de li Pencşêr û Qabûlê girtinên girseyî, kuştinên zincîrî û kuştinên armanckirî çêbûne ku dijminatiya eşkere ya Talîbanê li hemberî niştecihên Pêncşêr, di nav de sivîl jî nîşan dide.
Tevgerê destnîşan kir ku Talîbanê vê dawiyê li Pêncşêrê bi hincetên curbecur 10 endamên malbatekê hedef girtine. Vê yekê wekî beşek ji rêze kiryarên tepeserkirinê li dijî gelê wê parêzgehê dibînin.
Tevgera Jinên Pêncşêr di daxuyaniya xwe de bang li civaka navneteweyî kir ku li hemberî rewşa mafên mirovan li Efganistanê bêxem nemînin û diyar kir ku Talîban tu rêzê li jiyan, mal û milkên welatiyan nagire û divê ji ber binpêkirinên mafên mirovan berpirsiyar bê dîtin.
