Bernameyên ji bo bîranîna cangoriyên têkoşîna azadiyê ya Kurd dewam dikin. Li navçeyên Wêranşar û Pirsûsê yên Rihayê, gelek kes beşdarî bîranînan bûn.
WÊRANŞAR
Bi pêşengiya Komeleya Çand, Piştevanî û Alîkariya bi Malbatên Xizmên xwe Winda kirine yên li Xaka Qedîm (KAT-DER) li Mala Taziyeyê ya Siyamend Akbaş a li taxa Yenî ya li Wêranşarê bîranîn hate lidarxistin.
Wêneyên Rêber Apo, şehîdan û pankartên bi nivîsên “Şervanên Kurdistanê, cangoriyên azadiyê, em her tim li ser şopa wan e” û “Doza me ji bo soza me, soza me ji bo şehîdên me” li salona bîranînê hate daliqandin.
Di serdanan de dirûşmên “Bijî Serok Apo”, “Şehîd namirin” û “Rêya şehîd rêya me ye, Apo serokê me ye” hatin qîrîn.
Hevseroka Giştî ya Partiya Herêman a Demokratîk (DBP) Çîgdem Kiliçgun Ûçar jî beşdarî bîranînê bû. Piştî xwendina dua mewlûd hate dayin.
Bername wê saet di 16:00 de bi nîşandana sînevîzyona li ser têkoşîna şehîdan bi dawî bû.
PIRSÛS
Li Pirsûsê, bernameya bîranînê ya li Mala Taziyeyê ya Mûstafa Dag di roja sêyemîn de dewam kir.
Wêneyên Rêber Apo û şehîdan li gel pankarta bi nivîsa “Şehîd rojnahiya rêya me ye” li salonê hate daliqandin.
Şêniyên tevlî bîranînê bûn bi meşê bi dirûşmên “Bijî Serok Apo”, “Rêya şehîd rêya me ye, Apo ye serokê me” û “Şehîd namirin” ketin salona bîranînê.
Piştî xwendina duayan mewlûd hate dayin. Bîranîn saet di 16:00 de wê bi nîşandana sînevîzyonê û axaftina Hevseroka Giştî ya DBP’ê Çîgdem Kiliçgun Ûçar bi dawî bibe.
